Kultura eta hirigintzako batzordeak behin hasiz gero, gizarte zerbitzuetako, euskara eta hezkuntza batzordeak ere ikasturtearekin batera hasi dira lanean.
Gizarte zerbitzuak
Gizarte zerbitzuetako batzordea bi aldiz elkartu da. Partehartzea haundia izan da eta bakoitzak bere egoera, beharrak eta nahiak agertzeko aukera izan du. Hortik aitzinera, azpitaldeak eginez lanean hasiko da. Hurrengo bilera urriaren 19an 13:00etan izanen da.
Hezkuntza
Hezkuntza batzordea buruilaren 21ean bildu zen lehenbiziko aldiz, eta CRANAko apustu energetikoa izan zen hizpide, energia murrizteko Baztango ikastetxeek eta Udalak proiektuarekin bat egiteko proposatuz. Hurrengo bilera azaroaren 15ean izanen da, 18:30ean.
Euskara
Euskara Batzordea ere hasia da lanean. Guttienez hilabetean behin bilduko dela hitzartua du eta euskararen normalizaziorako bideak eta irizpideak herri mailan ikusi, eztabaidatu eta proposatzea, euskararen inguruan egiten diren lan guztiak koordinatzea eta ekimen eta aktibitateen bidez euskara berreskuratu, garatu eta erabilera bultzatzea izanen dira bere helburuak. Dena den, orain lehentasuna udaleko lanpostuen hizkuntza eskakizunak ezartzeari emanen zaio, langileak euskaldundu nahi baitira.
UEMA Udalerri Euskaldunen Mankomunitatean sartzeko gonbidapena ere jaso du Udalak. Astearte honetan, irailak 27, bilera egitekoa zuen Euskara Batzordeak.