Aurten Oronozek hartuko du Urdazubi-Zugarramurdi eta Baztango herrietako eskolen besta. Igande honetan, urriak 2, izanen da eta bertze urte batez Gure eskola publikoa, euskalduna eta herrikoa aldarrikatuko dute.
Urdazubi-Zugarramurdi, Amaiur, Azpilkueta, Erratzu, Arizkun, Gartzain, Irurita, Arraioz, Ziga, Almandoz eta Oronozko eskoletako gurasoek antolatuta, 10:30ean emanen zaio bestari hasiera. Ordu horretan eskolatik abiatuta herrian barna oinezko ibilbidea eginen da. Ondotik bazkari autogestionatua eginen da frontoian, eta akitzeko dantzaldia izanen da akordeoiarekin.