Hutsik egin gabe, aurten ere piriniar arrazako behien estatu mailako lehiaketa-enkantea eginen da Elizondon, irailaren 24an eta 25ean.
Ehunka abelburu ikusteko aukera izanen da urteetan egiten den ekimen hau tarteko. Irailaren 23an, ortziralean, 15:00etatik aitzinera abelburuak Merkatuko Plazan sartzeko aukera izanen da.
Irailaren 24ean, larunbatean, 09:00etarako parte hartuko duten abelburuak Merkatuko Plazan sartuko dira. 18:00etan behi-aziendaren erakustaldia. Esatari batek aziendak deskribatuko ditu. 20:30ean Luis Irizarrek eskainitako hitzaldia Elizondoko Herriko Etxean. 22:00etan antolatzaileek parte-hartzaileei afaria eskainiko diete. Larunbatean epaimahaikideek lehiaketan parte hartuko duten abelburuak baloratu eta puntuatuko dituzte.
Irailaren 25ean, igande goizeko 10:30etik 14:00etara Baztango artisautza azoka. 11:00etan Nafarroako aratxearen haragi eta Baztangoa gaztaren dastaketa. 12:00etan pintxo lehiaketaren ipuin eta marrazki lehiaketen sari banaketak. 12:30ean behi-aziendaren enkantea. 13:00etan sari eta garaikur banaketa. Ondotik, ASPINA elkarteak Baztango aratxe piriniar bat zozketatuko du.