Kultur eta hirigintza eremuak lantzeko asmoarekin, batzorde irekiak osatu dira Baztanen Udalaren bidez, eta uda honetan hasi dira lanean.
Udal Kultur Batzordeak dagoeneko bi bilera egin ditu eta batzordearen funtzionamendua zehazteko izan dira. Funtzionamendu egokirako talde iraunkor baten beharra ikusi da, eta hala, kultur zinegotzi eta teknikariarekin, alderdi politiko guzietako ordezkariekin, Baztango kultur taldeetako ordezkariekin eta interesa duen edozeinekin taldea osatu nahi da.
Hurrengo hitzordua ere zehaztua dute: irailaren 7an, asteazkenarekin, izanen da udaletxeko batzar gelan, 20:00etan. Batzordearen funtzionamendu orokorra eta barne antolakuntza zehaztea izanen dira jorratuko diren puntuak eta bilera irekia izanen da.
Hirigintza batzordea
Udaleko hirigintza batzorde irekia ere uztailean hasi zen biltzen. Afera honetan, aipatzekoa da hirigintzako aholkulari berria kontratatu duela Udalak. Prozedura negoziatu itxi bidez egin da, eta Kristina Arregi izan da aukeratua. Urte bateko kontratua egin zaio eta herritarren harrera egunak astearteak (13:00etatik 14:30era) eta ortzegunak (09:00etatik 11:00etara) izanen dira.
Aipatu, bertzalde, batzorde ireki honetan Lurralde Antolaketaren Estrategia eta Eredua izan dela aipatutako gaietako bat eta horri buruz irailaren 13an eginen den batzordean irekian ariko dira.