Uztailaren 16an Plentzian (Bizkaia) jokatu zen Hondartza Eskubaloi Txapelketa Nazionala, aurten bederatzigarren aldiz. BKTko jokalariak, Ultzama eta Lizarrakoekin elkartuta aurkeztu ziren Ttuku-Ttuku izenarekin lehen aldiz. Finalerdietaraino iristea lortu zuten. Bortz jokalarirekin jokatu zuten Ttuku-Ttukuko neskek, bertze taldeetakoak seirekin aritu ziren. Totu Iturzaeta (BKT-ko jokalari ohia), Elisa Arretxea (BKT), Talita Daiana José (BKT), Amaia Oiartzun (Ultzama) eta Eider Arcek (Lacturale Itxako) osatu zuten taldea. Bat gutiago izanda ere, finalerdietara iristea lortu zuten. Blupp’taldeak utzi zituen finaletik kanpo eta azken hauek eskuratu zuten lehen postua. Emaitzarekin kontent eta hurrengo urtean finalera iristeko intentzioarekin bueltatu ziren Ttuku-Ttuku taldeko neskak Plentziatik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun