Ekainaren 12an ospatu zuten Baztan Ikastolakoek urteroko besta Elizondon. Aurtengoa, gainera, berezia izan zen, hainbat urtetan irakasle izandako Sokorro Dufurrenari omenaldia egin baitzitzaion. 1971n sartu zen Baztan Ikastolan Dufurrena eta aurten hartu du erretiroa. Urteetan egindako lana izan zen omenaldia jasotzeko arrazoia. Horrez gain, hainbat ekitaldi izan ziren Ikastolako bestan: dantzariak, bazkaria, puzgarriak, dantzaldia... Aipatu, bertzalde, Baztan Ikastolak Pilarko frontoia errentan hartu duela eta heldu den ikasturtetik aitzinera, neska-mutikoen jolastokia hortxe izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun