Iñaki Elizalde zinema zuzendariaren Baztan filmeko grabaketak aitzinera segitzen du. Joan den urteko martxoan lehendabiziko zatia grabatu zuten eta maiatzaren 30ean bigarren zatiarekin hasi ziren. Lau astez ariko dira grabaketa lanetan, hiru astez Baztanen eta azken astean hemendik kanpo. Agoteak dira pelikula honen oinarria, duela mila urte baino gehiago hain baztertuak izan ziren herritarren ingurukoa da. Karmelo Gomez, Unax Ugalde, Kandido Uranga eta Txema Blasco aktore nagusienekin batera, baztandar aunitz ari da pelikula honetan parte hartzen. Urte bukaerarako akitzea espero da eta 2012 hastapenean baliteke estreinatzea.