Maiatzaren 28an jokatu zen Berriozarren, Nafarroako Lauko Sokatira Txapelketako azken saioa eta baztandarrak txukun ibili ziren. Gizonezkoen 300 kiloko kategorian, Amaiur nagusitu zen. Dena den, puntu bateko aldea baino ez zion atera Amaiur-Urruña taldeari. Sailkapenean bosgarrena izan zen Amaiur Kirol Elkarteko A.S.T. taldea. 320 kiloko kategorian ere Amaiurrera joana da aurtengo txapela. Kadete mailako txapelketan, bertzalde, 290 kiloko kategorian, Basaburuak guttigatik ez zuen lortu txapela. Berriozar talde txapeldunarengandik puntu bakarrera gelditu ziren baztandarrak. Basaburuko B taldea bosgarrena gelditu zen sailkapen nagusian.