Nafarroako administrazio publikoarekin zerikusia duten zalantzak edo kexak argitzeko aukera izanen dute herritarrek ortzegun honetan, ekainak 9. Izan ere, ekainaren 2an bezala, Nafarroako Arartekoaren Bulegotik bi aholkulari etorriko dira Elizondora, Baztango eta inguruko herrietakoei arreta zerbitzua eskaintzera.
Arizkunenea Kultur Etxean egonen dira, goizez 09:00etatik 14:00etara eta arratsaldez 16:00etatik 18:00etara.
Dohainik den zerbitzua da eta interesgarriak jotzen diren gaiak planteatzen ahalko dira beraiekin. Doako telefono bat ere jakinarazi dute: 900 702900.