Ezkerra edo NaBairen botoek erabakiko dute alkatetza

TTIPI TTAPA 2011ko eka. 7a, 15:53

Baztango mapa politikoa irauli du Bilduk hauteskunde hauetan

Begoña Sanzberro buru duen UPN alderdi erregionalistak 37 botoko aldea baino ez dio atera Garbiñe Elizegiren Bildu taldeari. Biek bortz zinegotzi eskuratu dituzte, eta nahiz eta boto gehien eskuratu dituen alkategaia UPN­ko Sanzberro den, litekeena da Bilduko ze­rrendaburua izatea hu­rrengo agintaldiko alkatea, baldin eta, Florentino Goñi buru duen Ezkerrak edo Peio Iriarteren NaBaik haren alde egiten badute larunbat honetan, ekainak 11. Orduan eginen baita kargu hartzea.

Hauteskunde hauetan galera izugarria izan duena NaBai izan da. 2007ko udal hauteskundeetan 1.931 boto izatetik orain 388 izatera pasatu da. Hala, duela lau urte Alderdiaren Legea tarteko, zazpi zinegotzi eskuratu zituen eta aldi honetan, bakarra eskuratu du.

Baztango Ezkerrak, be­re aldetik, bi zinego­tzi­ eskuratu ditu eta Luis­ Roldanen eskutik aur­kez­tua zen PSNk ez du ordezkaririk lortu.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun