Aukera ez du alferrik galdu Baztan Futbol Taldeak eta horrenbertzez, erregionaleko lehendabiziko maila utzi eta preferenteen kategorian ariko da heldu den denboraldian.
Mailaz igo ala ez, partida erabakiorra apirilaren 16an jokatu zuen Iruñeko San Jorgeren kontra Uharten eta Josema Osacarren mutilek ez zuten hutsik egin. Sailkapen nagusian San Jorgeri puntu bakarreko aldea aterata, Nafarroako prefenteen mailara bueltatzea lortu du.
Denboraldi ona osatu dute baztandarrek. Izan ere, jokatu dituzten 30 partidetatik 22 irabazi egin dituzte, bortz berdindu eta hiru galdu.