Udalak Euskararen Ordenantzak onartu dituela jakinarazteko, ekitaldia antolatu zuen Baztango Euskalgintzak apirilaren 9an. Fanfarrearen musikaz lagundurik, Euskararen Ordenantzak irudikatzen dituen BEO superheroia Elizondoko karriketan ibili zen bere etorreraren berri emanez eta eskuorri informatiboak banatzen. Urtetako lanaren ondotik, Euskalgintzak bereziki pozgarritzat jo du Ordenantza hauek Udalean onartu izana, udal administrazioaren barne-erabileran, herritarrekiko harremanetan eta udalerriaren gizarte-bizitzan ere, euskararen erabilera arautu eta normalizatzeko aurrerapausu haundia baita. Halere, lana ez da oraindik akitu, hurrengo urratsa ordenantzak martxan jartzea izanen baita, herritar guztien hizkuntza-eskubideak bermatzeko eta baztandar guztien laguntzaz egin beharrekoa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun