Arizkungo Aintzialde auzoan, Larrain baserri inguruan lanean ari zela telefono poste batetik erori eta larriki zauritua suertatu da 55 urteko langilea apirilaren 19an, asteartea, 14:30 aldera. Langileak buruan kolpe haundia hartu du eta konortea galdu du hasieran, baina gero bere onera etorri da. Lurraren kontra kolpatu ondotik hezur hausturak ere izan ditu. Elizondoko mediku-erizainekin batera, larrialdietarako helikoptero medikalizatua ere bidali dute Elizondora eta zauritua 16:00ak baino lehenxeago ingresatu dute.
Foruzaingoa gertaera ikertzen ari da eta itxura batean, langilea igoa zegoen postea hautsi egin da eta sei metro inguruko altueratik erori da.