Aurten bosgarren aldiz, Asteburu Kulturala antolatu du Berroetako Gure Ametsa elkarteak, Udalaren, Baztandarren Biltzarraren, Beolaren eta Jauregia esnekiak-en laguntzarekin. Ortziral honetan, apirilak 15, hasi eta igandean, hilak 17, akituko dira. Hauxe da prestatu duten egitaraua:
APIRILAK 15, ORTZILERIA
• 17:00etan Saharako errefuxiatuen aldeko sentsibilizazio tailerra, Arantxa Gamioren eskutik.
• 18:00etan txokolatada.
• 20:30ean afaria.
• 21:30ean mus txapelketa. Sariak bi afari Beolan eta Jauregia esnekien produktuak izanen dira.
APIRILAK 16, LARUNBATA
• 11:00etatik 14:00etara eta 15:00etatik 18:00etara sendabelarren ikastaroa Itziar Salegiren eskutik. 15 euro kostako da eta izena emateko deitu 661 015820 edo 659 779892ra. • 18:00etan ipuin kontaketa Osiorekin.
• 21:00etan bertso eta kantu afaria. Txartelak salgai daude. Aitor Olano Antillaren kantu emanaldia eta Bittor eta Amaia Elizagoien bertsolarien saioa izanen dira. Santxotena akordeoilariak alaituko ditu bazterrak.
APIRILAK 17, IGANDEA
• 11:00etan Nafarroako Herri Kirol jolasen bosgarren eta azken saioa. Baina euria egiten badu, Iruritan jokatuko da. Hiru kategoriatan ari dira lehian neska-mutikoak, kimu, haur eta kadeteen mailan, eta eskualdekoak ere badira. Kimuen mailan, Igantzitik bi talde parte hartzen ari dira –Unanu eta Abelu– eta Baztandik Basaburua. Haurretan eta kadeteetan, bai proba konbinatuetan eta bai sokatiran ere, Basaburua da eskualdeko bakarra. Lerro hauek idazterakoan hiru ziren jokatutako jardunaldiak, eta bai baztandarrek eta bai igantziarrek emaitza onak eskuratuak zituzten ordurako. Kimuen mailan, Unanu taldea eta Basaburua ziren sailkapen buruan, eta haurretan, proba konbinatuetan bigarrenak ziren baztandarrak. Sokatiran ere Baztango haurrek ederki moldatzen direla erakutsia dute, B multzoan eurek baitziren aitzinetik. Kadeteetan proba konbinatuan bigarrenak ziren Basaburukoak eta sokatiran, berriz, lehendabizikoak.
• 14:00etan bazkaria