Herriprograma ekimenaren berri eman du Ezker Abertzaleak

Ezker Abertzaleak Herriprograma ekimeneko ondorio nagusien berri emateko age­rral­dia egin zuen martxoaren 26an Elizondon. 117 lagunek parte hartu dute ekime­nean, «denak ere bertze Baztan bat eraikitzeko eginahalean, abertzalea eta ezkerre­koa, herritarra», aipatu zenez. Lan eta pentsioen erreforma, murrizketa sozial eta egitasmo suntsitzaile garai honetan, Baztanen ere hori bera bertze maila batean ikusi dela uste du Ezker Abertzaleak, «burbuila inmobiliarioa, Aroztegiako proiek­tu­ espekulatzailea, zahar etxearen pribatizazioa, hiltegia gainbehera uztea, aginte­ke­ria eta herritarrei kasurik ez egitea… Horretan Nabaik eta UPNk bat egin dute; ino­ngo eragozpenik gabe». Baztango egoera hori aldatu beharra dagoela­koan dago Ezker Abertzalea, «bertzenaz, NaBairen eta UPNren politikek Baztane­kin­ akitu­ko dute». Aldaketa bide horretan zazpi zutabe nagusi zehaztu dituzte, bere lana­ finkatzeko. Lehenik, Baztango erakundeak demokratizatu behar direla uste du, «herritarren parte-hartze zuzen eta etengabea bermatuz». Zerbitzu publikoak­ pribatizatzeko Udalaren apostuarekin akitu beharra dagoela ere pentsatzen du eta Udal Plan Orokorra herri bakoitzeko beharren arabera egin behar dela. «Lehen­bai­lehen» eskualdekoekin parekatuko diren udal zerbitzu sozial eraginkor batzuk garatzearen beharra ere azpimarratu du. Baserritar, kontsumitzaile, albaitari, hara­kin, tratante eta behar den guztiaren iritzia kontuan hartuz, nekazaritza sektoreko eragileen gunea sortu behar dela ere uste du Ezker Abertzaleak eta horrek Baztango­ garapenaren oinarrietako bat behar duela izan. Baztan eta udal euskaldun bat er­dies­teko erabateko konpromisoa eta parekidetasunean eta berdintasunean ai­tzi­na­­tzeko udal plan bat egitea ere ageri dira Ezker Abertzalearen oinarrizko arda­tzen­ barrenean, baina horiez gain, herri programan arlo guztietarako proposamenak­ bil­­du eta adostu dituzte eta horien lanketan segitzen dute. Zortzi urte uda­letik kan­po­­­ eduki dituztela gogoratu ondotik, indartsu itzul­tzeko tenorea iritsi dela iritzi diote.