Florentino Goñi buru duen Baztango Ezkerrak bere zerrenda aurkeztu du maiatzaren 22ko udal hauteskundeei begira. «Hainbat sentsibilitate politikotako» jendea biltzen duen taldea dela adierazi dute, honako hauek osatua: Florentino Goñi (Oronoz-Mugairi), Iñigo Iturralde (Elbete), Beñardo Amiano (Amaiur), Elena Arretxea (Elizondo), Resu Elizagoien (Amaiur), Fermin Barazabal (Azpilkueta), Guillermo Etxenike (Irurita), Unai Apeztegia (Elizondo), Lourdes Oharriz (Elizondo), Isabel Mikelarena (Oronoz-Mugaire), Javier Iturralde (Zozaia), Maite Goñi (Elizondo) eta Mila Amiano (Elizondo). Euren proiektuetako bat Baztan inguruan industriagune bat sortzea da, eta enpresa ttikien sorreran laguntzea. Aldi berean, «bildutako baliabideak baino gehiago ez gastatzeko» konpromisoa hartu dute. 0-3 urte arteko haurren eskolaratzea, hezkuntzan euskarari lehentasuna ematea eta euskara ikasi nahi duten helduei laguntzea, oinarrizko osasun zerbitzua bermatzea, abeltzainekin elkarlana bilkuren bidez, beharrezkoak diren obra publikoak baino ez... Horiek guztiak aipatu dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun