Interneteko atari berria estreinatu du Xaloa Telebistak: www.xaloatelebista.com. Emititzen dituen saio gehienak paratu dituzte eskura webgunean: Ur eta Lur, Nire Herrie, Mendialdean bizi, Bestak, Ikusten, Erreportajeak... Albiste laburrek eta astero aldatzen den inkesta batek osatzen dute web orria. Bideoak igotzeko aukera ere badu. Xaloa Telebista 1997an hasi zen emititzen. Herrietako albiste, gertaera, magazine eta erreportajeez gain, orain Nafarroako hainbat herritako erreportajeak ere egiten ditu Herriz Herri proiektuaren barne. Hauek guztiak ere webgune berrian ikus daitezke.