Baztan Errugbi Taldearentzat ekonomikoki ekitaldirik garrantzitsuena den urteroko besta larunbat honetan, apirilak 16, eginen da, beti bezala, Larraintzarko frontoian.
21:30ean aratze afaria izanen da eta ondotik kantu zaharrak eta sorpresak izanen dira. Afaltzera joan nahi dutenentzat, apirilaren 12an akitzekoa zen txartelak erosteko epea. 00:30etik aitzinera Jalisko Band taldearekin dantzaldia izanen da, eta gero, AK DJ-a.
Kontzertuaren erdian, eta aurten berrikuntza gisa, zozketak eginen dira, 02:00etan. Alde batetik, 500 euroko bonoa zozketatuko da Divertis bidaia agentzian gastatzeko. Bidaietan, bainuetxeetan, landetxeetan edo hoteletan gastatzeko izanen da. Bertzetik, eskualdeko produktuak ere zozketatuko dira.
Halere, hori guztia baino lehen, eskualdeko gaztetxoek errugbian murgiltzeko ariketak egiteko aukera izanen dute arratsaldean.