Bertan Baztango Merkatari, Ostalaritza eta Zerbitzu Enpresa Elkarteak aukeren azoka egin zuen otsailaren 26an eta 27an. Bosgarren aldia izan da aurtengoa eta aldi honetan 15 merkatarik parte hartu dute: Ipingi, Fantxike, Kattalingorri, Mª Cruz lentzeria, Mallenea, Argibel optika, Arkilanak, Pottoki, Virgilio, Malkorra, Urregiñe, Zagua, Nafarpress, Burdain eta Izetak denboraldiko produktuen deskontuak ere egin dituzte eta Etxaideko Errotako taloak dastatzeko aukera ere izan da.
Elizondoko udal pilotalekuan egin zen azoka, larunbatean 10:00etatik 20:00etara eta igandean 10:00etatik 19:00etara. Azokaz gain, haurrendako tailerrak ere izan ziren egun horietan.
Merkatariak gustora agertu dira jendearen partehartzearekin, nahiz eta krisia eta hilabete hondarra izatea ere somatu den. Bertan elkarteak, Balleko Udalak eta frontoiaren zola estaltzeko erabili zen moketa utzi zuen Zunzarren Taldearen laguntza eskertu du.