Amaiurko gizonezkoena da Euskadiko Sokatira Txapelketako kategoria guztietan parte hartzen ari den eskualdeko talde bakarra. Ez dute emakumezkoen talderik aurkeztu ez Amaiurrek eta ez Lesakako Beti Gaztek ere.
680 kilokoa
Sei talderen artean, laugarren postuan bukatu du Amaiurrek 680 kiloko kategorian.
640 kilokoa
Hamar taldek eman dute izena maila honetan, eta urtarrilaren 22an Ezpeletan (Lapurdi) eta 29an Ibarran (Gipuzkoa) jokatutako bi kanporaketen ondotik, larunbat honetan, otsailak 5, Zeberion (Bizkaia) erabakiko da txapela.
600 kilokoa
Zortzi edo bederatzi talde ariko dira maila honetan. Otsailaren 19an Baionan jokatu zen lehendabiziko lehia, eta martxoaren 5ean Nafarroa Garaian –tokia zehaztu gabe– eta 12an Gernikan (Bizkaia) eginen dira bertze bi saioak.
560 kilokoa
Martxoaren 19an Arrigorriagan (Bizkaia) jokatuko den jardunaldi bakarrean erabakiko da lau talderen artean txapela. Honela emanen zaio bukaera Euskadiko Sokatira Txapelketari.