San Anton eguna ospatu zuten urtarrilaren 17an Elizondon eta ohitura betez, zahar-etxearen aldeko zozketa egin zen. Sari nagusia, miga eder bat izan zen eta Elizondoko Maria Luisa Etxeberriri tokatu zitzaion (5.182 zenbakia). Bigarren saria, zerria, Iruritako Jesus Bikondoarentzat izan zen (6.420 zenbakia); hirugarrena, bi bildots, Maria Emma Gaztelumendi elizondarrarentzat ( 5.911) eta laugarrena, urdaiazpikoa, Julio Etxaide elizondarrarentzat (5.788). Elbeteko Jaime Urrutia eta Elizondoko Ainara Etxeberria, Maialen Anso, Ibai Irungarai eta Mariana Salvadok atera zituzten zenbakiak. Miga 1.500 eurotan baloratua dago eta erdia Aspina elkarteak ordaindua eta bertze erdia normalean zahar-etxeak ordaintzen badu ere, aurten piriniar arrazako lehiaketan parte hartu zuten Baztango abeltzainek ordaindu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun