ka ere txapelak irabazten hasi da erremontean Gorka Urtasun iruritarra. Errege egunean jokatu zen frontoi laburreko Martiko txapelketaren final ikusgarria Labriten eta 30-25 irabazi zion Iñaki Lizaso doneztebarrari. 1986ko maiatzaren 11n Iruritan jaiotako pilotariaren gaztetasuna nagusitu zitzaion Doneztebekoaren beteraniari. Espezialista handia da Lizaso, baina Urtasunek pilotari eman zion abiadurarekin ezin izan zuen deus egin. Gainera, errebotean ere ongi defendatu zen iruritarra eta jokaldi horrekin tantoak ere lortu zituen. Buruz buru eta frontoi laburrean onenen pare dagoela erakutsi zuen Urtasunek eta titulua lortu zuen.
Gorka Urtasun Saldias laxoan eta esku pilotan bikain aritu zen gazteago zenean, baina erremontean hasi zen eta duela urte eta erdi, 2009ko uztailaren 12an debuta egin zuen profesionaletan eta dagoeneko zenbait titulu lortu ditu.