Lekarozen enpresa campusa egin ahal izateko Udalaz Gaindiko Plan Sektoriala (UGPS) onartu du Nafarroako Gobernuak abenduaren 20ko bilkuran. Enpresa campusa kultur, hezkuntza eta ekonomia jardueretarako egin nahi da eta Gobernuaren esku dagoen Nafarroako Inbertsioak eta Azpiegiturak Sustatzeko Sozietatearen proiektua da. Badirudi, gainera, Nafarroa 2012 Planean lehentasuna duen ekimenetako bat dela.
Lekarozko kolegioaren inguruan egin nahi da aipatu campusa, 130.452 metro koadroko eremuan. Horietatik 61.000 urbanizagarriak lirateke.