Baztango Mendigoizaleak urteko azken ateraldiak egiten ari dira. Zehazki, bi gelditzen zaizkie urtea akitzeko: igande honetan Legatera eta abenduaren 26an Auzara eginen dituztenak.
80. hamarkada hasieran taldea sortu zenetik mendi tontor andana zapaldu dute, baina badira behin baino gehiagotan errepikatutako ateraldi batzuk ere. Horietako bat da, hain zuzen, Elizondo eta Auritz lotzen dituena. Azaroaren 14an egin zuten irteera hori, Urepel eta Alduden barna.
2011ko irteerak
Urte berriko ateraldiak ere zehaztuak dituzte. Hurbilen dauden hitzorduak aipatze aldera, hauek izanen dira ilbeltzekoak: hilaren 2an, Elizondo-Bailei-Urballo- Harrikulunka-Belaun-Beartzun-Elizondo ateraldia eginen da, 08:00etan abiatuta. Hilaren 9an, Lekaroz-Olaberri-Beltzuri-Etxebertzeko borda-Eskisaroi-Atxuela-Unboto- Bagordi-Lekaroz bidea eginen dute (08:00etan). Ilbeltzaren 16rako Berroeta-Barazelai-Gartzaga-Saioako erreka-Berroeta bidea aukeratu dute (08:00). Hilaren 23an Lizarmeaka-Otsondo-Iketzatea-Urdazubi-Indaburua-Iriartea-Altzola-Lizarmeaka (08:00) eginen dute. Ilbeltzaren 30ean Beintza-Labainera joanen dira (08:00).