Nafarroako Karlos III.a Prestuaren Gurutzea Agustin Otondo Dufurrena Txileko Nafar Etxearen bazkide fundatzaileari eta lehenengo presidenteari eman dio Nafarroako Gobernuak. Nafarrek Txilen izandako agerpenari buruzko ikerketa eta zabalkunde historikoaren inguruan hainbat lan egindakoa da eta horren harira jaso du. Erratzun jaio zen 1934an eta 15 urte zituela Txilera joan zuen. Han, okindegi sektorean aritu eta industriaburu izatera iritsi zen Francisco anaiarekin. Aldi berean, higiezinen enpresa bateko zuzendaria ere bada. Baina ez hori bakarrik, kontseilaria (zinegotzia) ere izana baita Santiagon, edo okindegiko enpresaburuen ordezkaria ere bai, Txile eta euskal kulturaren inguruko mugimenduetako kidea... Gaur egun, Txileko Nafar Etxearen presidenteordea da eta Patricio Legarragarekin, bertzeak bertze, Emigración a Chile del Valle de Baztan (Navarra) en el siglo XX liburua idatzi du. Bertze liburuak ere baditu, aunitz Baztani lotuak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun