Urdazubi-Zugarramurdi eta Baztango Herrietako Eskolek sari berria eskuratu dute: Nafarroako Gobernuko Hezkuntza Departamentuak aurten lehendabiziko aldiz antolatu dituen Nafarroako Hezkuntza Sarietako bat, hain zuzen. Hezkuntza mailan egindako lanagatik Nafarroako 14 ikasle, irakasle eta zuzendari eta sei ikastetxe saritu ditu Hezkuntza Sailak eta hondarreko atal horretan, gure eskualdean elkarrekin lan egiten duten 11 ikastetxeren funtzionamendua eta gizarte mailan duten inplikazioa saritu nahi izan ditu. Bertzeak bertze, Kazeta proiektua eta ikastetxeko bertze hainbat ekimen azpimarratu dituzte saria ematerako orduan. Eneko Fernandez ikastetxeetak koordinatzaileak adierazi duenez, «arras kontent daude» eta «Administrazioaren aldetik franko atzenduak dauden landa eremuko eskolek beren burua aldarrikatzeko baliogarria izan daiteke».
Astearte honetan, azaroak 23, hartzekoa zuten saria Iruñean.