Nafarroako Gobernuko Herrilan, Garraio eta Komunikabidetako Departamentuaren Errepideen Kontrol eta Kontserbazio Zentrotik jakinarazi dutenez, N-121-B errepidea 15 minutuz moztu eginen dute azaroaren 17an eta 19an, asteazken eta ortziralean, 14:00etatik 14:15era. Hain zuzen, Arraioz eta Oharriz inguruan eraginen du mozketak 46. eta 47. kilometroen artean, Irurita eta Elizondo arteko saihesbidea egiteko lametan leherketak eginen direlako. Oharriz auzorako sarbidea ere, NA-4405 errepidea moztu eginen da, auzo horretatik Arraiozerako irteeran, Baztan errekako zubia baino lehenxeago.
Baztan aldera doazen ibilgailu arinek, edo Baztanetik Irun eta Iruña aldera joan nahi dutenek Almandoz eta Irurita arteko NA-1210 errepidea erabil dezakete denbora tarte horretan.