Baztango Kirol Taldean dituen 22 urteotan fruitu onak eman ditu eskubaloiak Baztanen. Ez dira ez bat eta ez bi, duten mailagatik estatuan zein kanpoan jokatzeko txartela eskuratu dutenak. Horietan azkenak BKTko kadeteen mailan, A taldean, dabilen Ainhoa Astiz lekaroztarra eta denboraldi berria Lizarrako Itxako taldean hasi duen Leire Ramos berroetarra dira. Azken hau atezain lanetan aritzen da eta batek zein bertzeak 15 urte baino ez dituzte.
Hilaren 14tik 21era
Aldi honetan, Kroaziara joanen dira, dagoeneko han ez badaude behintzat. Izan ere, azaroaren 14tik 21era Mediterraneoko Eskubaloi Txapelketa jokatzekoa da Kroazian, eta Espainiako selekzioak bi baztandar hauek deitu ditu.