Defizit publikoa jausteko helburuarekin, ordainsariak murriztuko zaizkie udal funtzionarioei. Nafarroako Parlamentuak ekainean onartu zuen defizit publikoa murrizteko neurrien Foru Legea, eta horren harira erabaki zuen urriaren 13an Udalak Baztanen ere legea indarrean paratzea. Legean aurreikusitako murrizketak eginen zaizkie langileei. Hala, alkatearen eta A maila duten langileen ordainsaria %6,7 murriztuko da eta zinegotziena %5.