Done Jakue Bideari lotutako 47 herritan abesbatzen emanaldiak entzuteko aukera eskainiz, Bideko abesbatzak izeneko programa paratu du aurten martxan Nafarroako Gobernuko Turismo Departamentuak Nafarroako Abesbatzen Federazioarekin elkarlanean. Eta horren barne, heldu diren asteburuetan hainbat emanaldi eskainiko dira Baztanen.
Larunbat honetan, urriak 2, Urdazubiko elizan Nafarroako Abesbatzen Federazioak eskainiko duen emanaldiaren ondotik, urriaren 3an, igandean, talde bera Azpilkuetako elizan ariko da, 12:30etik aitzinera.
Urriaren 9an, Arizkunen Iruñeko gaztetxoen orfeoiak eskainiko du saioa, 19:00etan elizan. Urriaren 10ean Elizondok hartuko du lekukoa eta Doneztebeko Abesbatza elizan ariko da kantuan, 13:00etan hasita.
Urriaren 16ean Iruritako elizan, Loiola haur kantariak ariko dira, 19:00etan. Urriaren 17an, azkenik, Giltzarri abesbatzak Berroetan eskainiko du emanaldia, 12:00etatik aitzinera elizan.