Nafarroako Gobernuak Almandozko zeharbidea berritzeko Herri Lan, Garraio eta Komunikazio kontseilariaren eta Baztan Bailarako Udalaren arteko lankidetza hitzarmena sinatzea onartu du irailaren 27an egindako bileran. Hitzarmena aste honetan bertan sinatzea aurreikusi da.
Almandozko sarren berrikuntzarako eta zeharbidearen zolaberritzerako obraren aurrekontua 916.765 eurokoa da, eta horietatik gehienez 714.790 euro Nafarroako Gobernuak jarriko ditu, modu honetan banatuta: 463.497 euro Herri Lan, Garraio eta Komunikazio Departamentuak jarriko ditu, sinatu berri den hitzarmenaren arabera; eta gainerako 251.303 euroak Toki Administrazioko sailak Departamentuak paratuko ditu 2009-2012ko Toki Azpiegituren Planaren bitartez (sareen berritze lanak).
Baztango Udalaren ardura izanen da lanaren kontratazioa eta zuzendaritza teknikoa. Euritako uraren sarea eta argindar, telefono eta argiteri publikoaren kanalizazioa egitearekin batera, 500 metroko zeharbidea zolaberrituko da.