Pirinioetako behien lehiaketa-enkantea eginen da irailaren 24, 25 eta 26an

Aurten 23. aldiz piriniar arrazako behien es­ta­tu mailako lehiaketa-en­kantea eginen da Eli­zon­­don, hilaren 24tik 26ra Merkatuko Plazan.

Irailak 24, ortzirala

• 15:00etatik aitzinera, aziendak Merkatuko Plazan sartzeko aukera izanen da.

Irailak 25, larunbata

• 09:00etarako parte hartuko duten abelburuek Merkatuko Plazan egon beharko dute.

• 18:00etan behi-azienden erakustaldia.

• 22:00etan antolatzaileek parte hartzaileei afaria eskainiko diete.

• Egun osoan epaimahaikideak lehiaketan parte hartuko duten abelburuak baloratzen ariko dira.

Irailak 26, igandea

• 10:30-14:00: Baztango artisautza azoka.

• 11:00etan Nafarroako aretxearen haragia eta Baztangoa gazta dastatzeko aukera.

• 12:00etan behi-aziendaren enkatea.

• 13:00etan sari banake­ta.

• Ondotik, Aspina elkarteak Baztango aratxe piriniar bat zozketatuko du.

HAMAR KATEGORIA

Inguruko eta Euskal Herriko behiez gain, kanpotik eto­rri­tako ehunka abelburu ikusgai izanen dira, tartean Aragoi eta Ka­talu­nia­koak. Baserritar ba­koi­­tzak bi buru aur­kez­­ten ahal izanen ditu eta le­hia­ketan parte har­tze­ko behiak honela sail­ka­tuko dira: zezenkoetan, hiru mailatan izanen dira: 24 hilabete arte­koak; 2-4 urte eta 4 urte­tik goiti­koak. Urruxak zaz­pi mailatan banatuko dira: 8-18 hilabete; 18-24 hilabe­te; 2-3 urte; 3-4 urte; 4-6 urte; 6-8 urte eta 8 urtetik goitikoak.