Ortziral honetan hasi eta astezakenean akituko diren Elizondoko besten inguruan, ohar batzuk jakinarazi ditu Xabi Torres Elizondoko alkateak. Alde batetik, Foru Plaza ibiltzeko moduan egonen da, baina karga haundia jasateko oraindik prestatua ez dagoenez, ekitaldi batzuk hor eta gainerakoak Merkatuko Plazan eginen dira.
Horrez gain, Meza Nagusia 11:30ean izanen da eta ondotik, 12:30ean abiatuko dira plazara. Luntx herrikoia, berriz, 12:45ean eginen da. Eta asteleheneko kantaldian, Amaren alabak-en ordez, Bedaxagar, Arotze eta Etxekopar kantari zuberotarrak ariko dira.
Aipatu, Baztan Ikastolarako bidean, Iturria eraikuntzak enpresak utzitako belardian akanpalekua ere izanen dela. Aparkalekua eta komunak edukiko ditu.