Elizondon eraikitzekoa den komisaria berriko lanak uda honetan hasiko direlakoan dago Nafarroako Gobernua. Hala iragarri zuen ekainaren 23an Javier Caballero Nafarroako Gobernuko lehen presidenteordea eta presidentzia kontseilaria denak Elizondora egindako bisitan. Lerro hauek idazterakoan, proiektua lizitazio fasean zegoen, eta aste hauetan egitekoa zen adjudikazioa.
Nafarroako udaletxe nagusietako urdal ordezkariekin, segurtasunaz aritzeko eta Foru Poliziaren eta udaltzainen arteko koordinazioa eta segurtasun plana promozioa lantzeko bilerak egiten ibili da Gobernuko ordezkaria eta azkenekoa Arizkunenea Kultur Etxean egin zen. Orduan egin zituen adierazpenok Caballerok. Kontseilariarekin batera, Virginia Aleman alkatea, Santiago Aldako zinegotzia, Juan Fermin Mitxelena Lesakako alkatea eta Baztango udaltzainak eta Bera eta Doneztebeko albinteak izan ziren, baita Gobernuko eta Foru Poliziren bertze ordezkariak ere, Iñaki Zia Elizondoko komisariako inspektore burua barne.