Bidasoan izokin arrantza denboraldia ireki zen goiz berean, maiatzaren 1ean, atera zuen Lehenbizikoa Martin Apezetxea oronoztarrak, 5,6 kilo eta 78 zentimetrokoa. 11:15 aldera harrapatu zuen Kaia inguruan. Eta 1.500 eurotan saldu zion Apezetxeak bertze oronoztar bati, Donostiako Alde Zaharreko Urbano eta Urola jatetxe ezagunen jabe den Patxi Aizpururi, hain zuzen. Apezetxeak aipatu zuenez, 07:30erako hasi zen arrantzan, «gehien gustatzen zaidan lekua libre zegoela ikusita. Laugarren tiraldian harrapatu eta 10-12 minutuko borrokaren ondotik atera dut». Bidasoan sortutako izokina zen, ez baitzuen inolako markarik. Inoiz ez zuen Lehenbizikoa atera Apezetxeak, baina «Bidasoan 7-8 izokin eta Asturiasen bertze hiru» harrapatuak dituela jakinarazi zuen 51 urteko oronoztarrak. Izokina harrapatu bezain abudo, Lehenbiziko Saria eman zioten Berako Ehiza eta Arrantza Elkarteko presidenteak eta idazkariak, Juan Otamendik eta Felix Martinezek.
1.500 eurotan saldu du eta 5,6 kilo eta 78 zentimetro ditu
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun