Baztango Udalak eta Irungo Arte Plastikoen eta Diseinurako Kunsthal zentruak hirugarren urtez segidan elkarlan hitzarmena sinatu zuten apirilaren 16an, balleko eremu publikoetarako ideiak eta ekimen proposamenak garatzeko.
Hitzarmena 2008an sinatu zuten lehen aldiz bi erakunde hauek. Aurtengoan, Elizondoko Merkatu Plazaren paisaiaren tratamendua aztertzen du eta Baztanen ariketa fisikoa sustatzeko “Kalera oinez? Doike!” kanpainaren sinboloa edo marka sortzea.
Virginia Aleman Baztango alkateak eta Maria Angeles Rubio Kunsthaleko zuzendariak sinatu zuten hitzarmena eta ekitaldian Izaskun Abril Cederna-Garalurreko garapen agentea eta Kunsthaleko proiektuetako zuzendariak, Gaizka Zuazo eta Eduardo Piedrola izan ziren.