Arizkungo zeharbidearen lanak bisitatu dituzte martxoaren 18an, ortziral goizean, Laura Alba Cuadrado, Nafarroako Gobernuko Herrilan, Garraio eta Komunikabidetako kontseilariak eta Virginia Aleman, Baztango alkateak, baita Nafarroako Gobernuko eta Baztan Balleko udaleko bertze zenbait ordezkari ere.
Lanak egiteko 375.371 euro erabili dira eta horietatik 305.842 euro Nafarroako Gobernuak paratu ditu eta gainerakoa Baztango Udalak. Nafarroako Gobernuak paratu duen dirutzatik 227.252 euro Herrilan Departamentuak eta 78.590 euro Toki Administrazio departamentuak ordaindu ditu.
Errotonda berria eraiki eta ur-sarea berritu egin dira lan hauen ondorioz, ur-zikinen eta euritako uren saneamendu sareak, hain zuzen.
Laura Alba kontseilariak aipatu duenez, “errotonda berriarekin, bidegurutzeko trafikoa hobeki bideratuko da, mugimenduak arautuagoak geldituko dira eta bide segurtasuna handitu eta istripu arriskua murriztuko da”.