Nafarroako Komunitateko Minusbaliatu Fisikoen eta Organikoen Elkarteko Federazioak egoitza berria zabalduko du Elizondon, eskualdeko beharrak artatzeko. Haur eskola zaharra zegoen tokian kokatuko dute, eta lanegunetan irekia egonen da (10:00-14:00). Halere, aitzinetik hartu beharko da hitzordua 671 421346ra deituta. Elkartea ezagutarazteko hitzaldi informatiboa eginen da hilaren 22an Arizkunenean, 18:00etan.