Dagoeneko abian den Nafarroako Haur Kantari Jaialdien bigarren saioa Elizondoko Lur dantzalekuan eginen da larunbat honetan, hilak 6, 18:00etan hasita.
Eskualdeko partehartze zabala izanen da: Elizondoko Leire Onsalo (Zergaitik aitona), Doneztebeko Agorreta Musika Eskolako taldea (Nirekin); Iturengo Garbiñe Olazar (Iluntzean); Donamariako Naiara Aizpuru (Duintasunez Eutsi); Garbiñe eta Naiara (Ilargia); Doneztebeko Sara Apeztegia eta Nerea Matxiñena (Esaidazu); Baztan Ikastolako 5. eta 6. mailako bi talde (Non? eta Izarrak); Baztango herrietako eskolen Xixo taldea (Maite zaitudalako); Lekaroz ikastetxeko bi talde (Itxaropen hautsien kaxa eta eta Urrun izan arren) eta Berako Jesusen Bihotzako hiru talde: Xantel taldea (Zatoz Kantara); Larun taldea (Euskara da, kantua da) eta Axuriak taldea (Aitormena). Lurren kantatu ez arren, Lesakako Aitziber Irazokik (Elkarrekin) ere parte hartuko du bertze saioetan.