Txapela ez, baina bai zilarrezko domina. Otsailaren 25ean hasi zen Munduko Sokatira Txapelketa eta han izan ziren Amaiurko kirolariak. 560 kilokoen lehian 15 talde aritu ziren eta baztandarrek finalera ailegatzea lortu zuten. Baina aitzinetik gogotik lan eginda. Izan ere, parra egin zuen Clonmany (Irlanda) taldearekin, eta biek 18 tantorekin akitu zuten. Kitarakorik ez zegoenez, talde bakoitzak eginiko faltak hartu behar izaten dira aintzat, baina horretan ere parra egin zuten. Beraz, talderik arinena zuena sailkatu zen bigarren postuan. Finalerdietan Ipar Irlandako Richhill kanporatu zuten baztandarrek eta finalean Abadiño A (Bizkaia) izan zuten aurkari. Bi tiraldi gogor jokatu arren, bietan gailendu ziren bizkaitarrak.
600 kilokoetan ere aritu zen Amaiur baina lerro hauek idazterakoan ez genuen emaitzen berririk.