Haitiko lurrikararen berria ezagutu bezain fite, munduko txoko guztietatik elkartasuna eta laguntza adierazteko eta eskaintzeko, hainbertze kanpaina abian paratu ziren. Kanpaina guzti horien artean, Bidelagunek Behar Bidasoarekin batean, berea ere martxan jarri zuen elikagaiak, maindire eta mantak eta abar biltzeko.
Eskualdean erantzuna arras ona izan da,Urdazubi, Zugarramurdi eta Baztanen, 4.500 kilo eta Malerrekan 3.000 kilo bilduz,ohatzeko arropak aparte.
Bidelagun elkarteak, laguntza eman duten guztiei, ziurtatu nahi izan die, laguntza guztiak Haitirat ailegatuko direla Zumarragako Mercedaria Ahizpen bidez. Hauek Santo Domingon duten egoitzarat zuzenean igorriko baita. Larunbat honetan, hilak 20, aterako da lehenbiziko edukiontzia, Bilboko portutik.
Beti behar da laguntza
Bidelagunek oraingo laguntza ez dela momentuko beharra ere aldarrikatu du, aspalditik baitago Haiti herri pobreen artean, eta aitzinerat begiratuz, laguntza hau beharrezkoa izanen dela iritzi dio, bertze hainbertze herritan bezala.
Bertzalde, Bidelagunek laguntza eman dutenei eskerrak eman nahi izan dizkie, bai baliabideak utzi dituztenak edo elikagaiak eta ohatzeko arropa eman dutenak, bildutakoan sailkatu eta paketetan biltzen egon diren direnak, eskolak…
4.500 kilo Urdazubi, Zugarramurdi eta Baztanen
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun