Joan den larunbatean, hilak 16, inauteriak izan zituzten Anizen, eta euren lekukoa hartuz, asteburu honetan, Berroetaren txanda izanen da. Ohi bezala, gazteak sozidadean elkartuko dira gosaltzeko eta ondotik etxez-etxe ibiliko dira. Ilbeltzaren 30ean, berriz, Gizakunde ospatuko da Arizkunen eta Erratzun. 16:30ean Arizkungo Gamioxarrean mozorroak prestatzen hasiko dira. 18:00etan Arizkundik Erratzurako bidea hartuko dute Arizkungo plazan sagardantzak dantzatu ondotik. Erratzura 20:00 aldera ailegatu eta etxez-etxeko eskea eginen da. Geldialdietan sagardantzak eta mozorrodantzak eginen dira. Afaldu baino lehen herriko plazan Jantziloren epaiketa eginen dira. 22:00etan afaria izanen da Etxelebertzeko txokoan eta ondotik besta. Ezin aipatu gabe utzi, Egun Ttun-ttun, Oilar Dantza eta Orakunde eguna. Zigako herria da Orakunde ospatzen duen lehenbizikoa, otsailak 5. Hemendik abiatuz, ia-ia egunero herriren batek berea ospatuko du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun