Notes on the Other Sergio Oksmanek zuzendutako eta Karlos Mugiro elizondarrak idatzitako film laburrak sari nagusia eskuratu du Varsoviako XXV. jaialdian.
Cadiz, Amsterdam, Florentzia, Lisboa… Dagoeneko, Oksman eta Mugiroren lana jaialdiz jaialdi dabil emaitza eta kritika ezin hobeak lortuz.
Laburrak 14 minutuko iraupena du eta 2008ko Sanferminetan eta AEBetako Key Westen (Florida) eta Idahon grabatua da. Istorioa 1924an kokatua dago. Sanferminetako egun batean, Ernest Hemingwayk Iruñara egindako lehen bisitetako batean, egiazko Hemingwayk bertze bat izan nahi omen zuen. Eta laburra hipotesi horren ingurukoa da.