Lesakatik Elizondoraino doan gasbideko lanetan bi milioi eurotik goitiko gastua egin du Gas Navarra enpresak Baztanen.
Arraioz, Elbete, Elizondo, Irurita eta Oronoz-Mugairiko 1.600 herritarrengana ailegatuko da gas naturala eta joan den astean Elizondoko kiroldegian egindako aurkezpenean iragarri zutenez, laster izanen da zerbitzua etxeetan.
Aipatu aurkezpenean Gas Navarra enpresako ordezkariek eta Virginia Aleman alkateak parte hartu zuten.
Baztan-Bidasoa osoan, Gas Navarrak zortzi milioi euroko inbertsioa eginen du.