TTIPI-TTAPAren aitzineko alean iragarri bezala, aurten hamargarren aldiz Kirikoketa Besta eginen da urriaren 24an Arizkunen. Jo ala Jo Kultur Taldeak egun osoko egitaraua antolatu du aldi honetan ere.
Egitaraua
•11:00etan Gamioxarrea dolareko irekiera: sagardoa modu tradizionalean eginen da, XVIII. mendean egiten zen bezala. Horrekin batera, sagar jotzea, patsa prentsatzea eta zuku kupelaratzea.
Nafarroako sagardoak dastatzeko eta pintxoak jateko aukera ere izanen da.
•14:30ean zikiro jatea Arizkungo frontoian.
•Bazkalondoan: Baztango kirikoketariak, Amaiurko txalapartariak, Iparraldeko txalapartariak, Algortako albokariak, Fanfarremifa taldea eta dantza herrikoiak.
•Arratsean kontzertuak: Komando Kastaña taldea eta sorpresaren bat.