Erratzuko Kultur Elkarteak, Erratzuko herriaren eta Etxeleberteko Txokoaren laguntzaz antolatutako pala txapelketan sei neska bikote ari dira: Estitxu eta Maite, Manttoni eta Begoña, Ainhoa eta Mari Joxe, Gurutze eta Jasone, Roxa eta Edurne eta Ana eta Lorentxi. Azaroaren 4an hasi ziren eta abenduaren 2a arte arituko dira sailkapenaren bila. Abenduaren akaberan jokatuko da finala. Erratzuko frontoian larunbatero jokatzen dituzte txapelketa honetako partiduak, atsaldeko 5etatik aitzin.