«Jo ala Jo» eta Erratzuko Kultur elkarteek literatur lan talde bat sortzeko egitasmoa azaldu dute. Bi talde hauen burutapena, interesgarriak iruditzen zaizkien liburuen egileekin solasaldiak antolatzea da. Mintzaldi hauek bi hilabetero-edo izanen lirateke. Beraz, urte baten buruan sei hitzordu eginen lituzkete. Horretarako jendearen partehartzea nahitaezkoa da. Alde batetik, liburuak aukeratzeko eta gero solasaldien egunak finkatzeko. Honela, hitzaldiak antolatzen direnean publikoa ere segurtatu nahi da: «Kontua ez baita Bilbotik idazle bat ekartzea gero lau katu biltzeko».
Egitasmo honetan parte hartzeko prest izanen gero, liburuen zerrenda adosteko, egutegia zehazteko eta kultur ekimen hau definitu eta abiarazteko bilgura antolatu dute. Larunbat honetan, abenduak 2, eginen da bilgura, Elizondoko Arizkunenea Kultur Etxean.