Eguberri eguna leku guzietan berezia baldin bada, aurten Baztanen oraindik bereziagoa izanen da, herrietako alkate eta kargodunak aukeratzeko eguna izanen baita. Halere, azken urte hauetan jende guti agertzen da boza ematera. Gainera, alkate izateko prest daudenak ere arras guti izaten dira, obligazione aunitz bai, baina baliabide eskasak izaten dituztelakoz. Behin baino gehiagotan aditu dugun arrenkura da: «Herri ttailotan alkateak ezin du gauza aunitz egin. Asmo aunitz bai, baina diru guti izaten dugu».
Alkate eta kargodunekin batera, Baztangoiza, Basaburua, Elizondo eta Herbereko kuarteletako juntakideak ere hautatuko dira.