Elizondo, Arizkun eta Arraioz alkaterik gabe

Eguberri bezpera  Baztango herrietako alkateak aukeratzeko egun seinalatua zen. Hamabortz herrietatik bederatzik alkatea lortu zuten egun horretan, baina Eli­zon­do, Alman­doz, Ariz­kun, Arraioz, Be­rroe­ta eta Oro­no­zen, urteberri egunean egindako batzarrerako utzi zuten. Azpil­kueta, El­bete eta Gar­tzainen alkate berriak hautatu zituzten. Azpil­kue­tan, Juan Irungarai da alkate berria, Fer­min Bara­zabalen ordez. Elbe­ten Etxe­be­rria­ko Patxiko Bur­gete hautatu zuen herriak, Patxi Ameztoi or­dezkatzeko. Gar­tzai­nen, berriz, Jose Mari Urtsuegik hartuko du azken bi urteetan Patxi Peñak betetako kargua. Arizku­nen, botu-paperak ez zeudela eta bere arren­­kura azaldu zuen Patxi Larraldek.
Urteberri Egune­ko batzarretan, espero bezala, ez zen arrakasta handiagorik izan. Alkate izateko inor aurkeztu ez zela ikusita, Almandoz, Be­rroeta eta Orono­zen, orain arteko al­ka­teek, Severino Lan­­dak, Lorenzo Ma­­­ritorenak eta Flo­rentino Goñik, bi urtez segitzea erabaki zuten, gogoz kontra baldin bazen ere. Arraioz, Ariz­kun eta Eli­zondon, or­dea, ez segitzea era­­baki zuten Juan Bau­tista Oteizak, Ma­ribi Go­ñik eta Anas­tasio Na­gorek. Arraiozen, Erre­ge egu­nean bertze batzarre bat egiteko gelditu ziren.

Bertze batzarrea deituko du Baztango alkateak
Ordenantzak dio­e­naren arabera, Ba­lleko alkateak batzarre berri bat deitu beharko du hilabete baten barrenean, Ariz­kun,  Arraiozko eta Eli­­­zondoko alkateak au­keratzeko. Inor aur­kezten ez bada, egoe­ra larria izanen da.

Severino Landa. Lanerako ez gaitua. 61 urte (5.urtea)

• Frontona eta eskola moldatu beharrak dira. Herriak ez du lurrik eta jabeek ez dute saldu nahi, beraz, zaila dago bertze gauzak egiteko.

Bernardo Amiano. Aceraliako langilea. 48 urte (7.urtea)

• Kanposaindu berria mol­datu nahi dugu, gaiz­ki egina baitago. Za­ha­rrean, berriz, parkea aki­tu. Saneamendu sa­rea ere berritu nahi da.

Marcelino Rementegi. Aurrejubilatua. 58 urte (5.urtea)

• Batzarrea egin eta gero erabakiko dugu. Hi­rurteko Planean ere es­kari batzuk egin di­tu­gu, ikusiko da zer ailegatzen den gero.

Juan Irungarai. Abeltzaina. 45 urte (1.urtea)

• Biztanle gutikoa baina herri zabala da gurea. Bide aunitz badire eta horiek ongi kontzen beti izaten da zerbait egiteko.

Lorenzo Maritorena. Baserriko lanak. 36 urte (3. urtea)

• Ez dugu berekin harremanetan jartzea lortu.

Patxiko Burgete. Laboraria. 44 urte (1. urtea)

• Hamar urte egin ditut kargodun gisa eta aitzi­neko alkateek egindako lanarekin segitu nahi dut. Kargodunekin bildu eta erabakiko dugu.

Santiago Ibargarai. Aceraliako langilea. 44 urte (3.urtea)

• Batzarreak eta ikas­taroak egin edo jendea biltzeko lekua moldatu nahi dugu labadero zaharrean. Plaza ere konpondu behar dugu.

Joxe Mª Urtsuegi. Taxista - Ostalaria. 33 urte (1. urtea)

• Lehendik genituen lanekin segitu: Zentro zibikoa, eskola ondoko frontona goratu eta estalki berria egin, kan­po­saindua moldatu…

Maribel San Jose. Etxekoandrea. 52 urte (7. urtea)

• Zentro zibikoa egin nahi dugu. Kanposain­duaren anpliazioa akitu. Hirurteko Planean lan aunitz eskatu ditugu. Argia sartu, bideak…

Miguel Angel Aldea. Aceralian ebentuala. 42 urte (3. urtea)

• Bideak moldatzen segitu, eskolako etxe zaharrean batzar lekua moldatu…Plaza etxea erortzekotan dago eta kendu egin nahi dugu.

Florentino Goñi. Aceraliako langilea. 48 urte (9.urtea)

• Igerileku baten beha­rra somatzen dut. Eli­zond­okoa urruti dugu eta Bertizen jende au­nitz ibiltzen denez, leku estrategikoan gaude.

Francisco Etxenike. Aceraliako langilea. 49 urte (3.urtea)

• Kanpo­sain­dua han­di­tze­ko pen­tsa­mendua dugu, 13 familiendako es­kas gelditu baita. Hi­rur­teko Planean sartua da. Pistak moldatzea.