Lehendabiziko literatur solasaldia burutu da larunbat honetan Arizkunenean

Jo ala Jo eta Erratzu­ko kultur elkarteek, Euskal Idazleen Elkartea, Baztango Udala eta Nafarroako Gobernuaren laguntzaz antolatutako lehen literatur solasaldia burutu da larunbat honetan. Paddy Rekal­de idazleak «Whis­key koloreko gauak» bere liburuari buruz aritu zen Arizkune­nea Kultur Etxean. Bi elkarteek prestatutako sei literatur solasaldietan lehenbizikoa izan da. Martxoaren 17an, Julen Gabi­ria, «Connemara bihotzean» li­bu­ruari buruz ariko da. Maia­tzaren 19an, Ur Apalate­gi­ren «Gauak eta hiriak» izanen da solasgai. Buruilaren 15ean Har­kaitz Cano «Pasaia Blues» libu­ruaz ariko da. Azaroaren 17an Jon Alonsoren «Cammem­bert helburua» liburua izanen da ai­pa­gai eta abenduaren 15ean, Jon Arretxeren «Zazpi kolore».
Solasaldi guziak Arizku­ne­nea Kultur Etxean eginen dira, atsaldeko 5etan. Aipatu behar Erratzuko Kultur Elkarteak mintzaldi hauetan interesa paratzen duten elkarte kideei liburuak bereganatzeko laguntza emanen diela.